Skúlin á Argjahamri letur uppaftur – Koronakanningar aftur á Eystaru bryggju

Koronakanningar í høvuðsstaðnum eru nú aftur á Eystaru bryggju, eftir at tær seinastu dagarnar hava verið á Skúlanum á Argjahamri.

Kanningarnar vórðu í vikuni fluttar á Argir, har til bar at kanna fleiri fólk enn á Eystaru bryggju. Hetta bar til, tí at Skúlin á Argjahamri var stongdur hesa vikuna vegna koronu.

Men nú boðar Skúlin á Argjahamri frá, at skúlin letur uppaftur týsdagin 9. november.

– Hetta gleða vit okkum til, og so er at vóna, at støðan er so mikið góð, at vit kunnu hava ein vanligan skúladag aftur, skrivar skúlin á heimasíðuna.