Skulu velja nýggjan formann í dag

Í dag, tá floksstjórnin hjá Fólkaflokkinum hevur fund, skal nýggjur formaður veljast fyri Jørgen Niclasen, sum legði frá sær 24. februar.

Sambært Kringvarpinum skulu uppskot verða klár hjá floksstjórnini at taka støðu til í kvøld. Fyri at stilla upp til formann krevst, at valevni hevur fýra undirskriftir frá ting- ella landsstýrisfólkunum hjá flokkinum.

Fólkaflokkurin hevur landsfund á Miðnámi í Vestmanna í morgin. Fundurin byrjar klokkan 13.