Sløktu eld við kaffi og sodavatni

Um middagsleitið hoyrdu fólk í høvuðsstaðnum nógvan útrykning, men tíbetur hevði tað lítið uppá seg.

Av løgreglustøðini verður sagt, at tað var ein fráboðan um eld í einari maskinu, og í slíkum førum verða kjansir ikki tiknir.

Tí vóru fleiri neyðsynjarakfør send avstað, og tað kann tykjast ógvusligt.

Tað var ein turbo á einari maskinu, sum varð blivin ov heit, men lítli eldurin varð sløktur við kaffi og sodavatn áðrenn sløkkiliðsbilarnir komu á staðið, upplýsir vaktleiðarin.