Smábátur rendi á land norðanfyri Selatrað

Vørn boðar á heimasíðu sínari frá, at ein bátur rendi á land norðanfyri Selatrað stutt fyri middag.

- Ein smábátur rendi á land í Sundalagnum, norðanfyri Selatrað. Báturin fór uppá turt og mátti sleipast av aftur. Rescue Vón bleiv boðsend, men áðrenn hon kom á staðið, hevði ein útróðrarbátur sleipa bátin av aftur, stendur á vorn.fo

MRCC/TR, Rescue Vón og løgreglan luttøku, tó at tað samanumtikið ikki varð neyðugt við hjálp.

Tað framgongur ikki, hví báturin endaði, sum hann gjørdi.