Smádreingir spældu við eld

Um 18-tíðina í gjárkvøldið varð boðað frá eldsbruna á einum spæliplássi í Streymnesi.

Eldur var í einum spælihúsi. Sløkkiliðið varð fráboðað og sløkti eldin. Eisini løgreglan varð send á staðið, og her kundi staðfestast at tað vóru tveir ella tríggir smádreingir, allir undir 15 ár, sum høvdu verið inni í húsinum og spælt við eld har inni.

Dreingirnir høvdu mist tamarhaldið á eldinum, og logarnir kyndu í sjálvt húsið, sum fekk fitt av skaða.

Løgreglan ger ikki meira við málið enn at skriva eina frágreiðing til sosialu myndugleikarnar.