Smakktímin kemur til Føroya

Føroysk børn fáa nú høvi at fáa eina matuppliving fyri lívið, tá ið matstovurnar etika og Skeiva Pakkhús á fyrsta sinni nakrantíð goyma allar sessirnar til børnini - og beina foreldrini út um dyrnar.   

Til Smakktíman (Smagens Time) lata matstovur dyrnar upp fyri at geva børnum og ungum í aldursbólkinum 5 til 15 ár eina heilt serliga matstovuuppliving. Hetta vælumtókta tiltak, sum er fullkomiliga bannað vaksnum, verður í ár týsdagin 29. oktober.

Í Danmark verður Smakktímin hildin níggjunda árið á rað, og í fjør vóru fleiri enn 100 matstovur og næstan 3.900 pláss. Úti á matstovunum fáa ungu gestirnir matskrá við trimum rættum, sum kitla smakkleykirnar og forvitnið og víðka matsjónarringin. 

Steðga matoyðsli
Triðingurin av tí mati, ið gjørdur verður um allan heim, endar í ruskspannini. Saman verða vit noydd at gera okkurt við tað. Tí hava matstovurnar í ár kastað saman við brúkararørsluni Stop Spild af Mad (Steðga matoyðsli). Umframt eina makaleysa matuppliving fara ungu gestirnir, sum sessast við borðið til Smakktíman eisini innlit í, hvat matoyðsl er og fáa høvi at smakka onkran rætt og drykk úr rávørum, sum annars lættliga kundu verið endaðar sum matoyðsl. 

Et fyri ein góðum endamáli
Yvirskotið frá Smakktímanum fer óskert til arbeiðið hjá Melting Pot grunninum við at hjálpa illa støddum ungfólki ígjøgnum matverkætlanir og matútbúgvingarskráir í Bolivia og í Brownsville, New York.