Ingi Samuelsen
Fyrsti tilburðurin av brasilska koronafrábrigdinum, ið kallast P1, er nú funnið í Danmark, skrivar dr.dk.
Tíðindini koma frá Twitter-vanganum hjá heilsumálaráðharranum, Magnus Heunicke.
Brasilska frábrigdið verður – eins og tað bretska – mett at vera meira smittandi enn onnur frábrigdi, og tí verður ansað serliga eftir hesum.
Ráðharrin upplýsir, at serlig smittusporing nú er sett í verk.
Det første tilfælde af varianten P1 er fundet i Danmark. P1 blev oprindelig påvist i Brasilien og er en af dem, vi har særligt fokus på. Der er iværksat intensiv smitteopsporing. Varianten er fundet af DTU, der hjælper med at analysere prøver, og bekræftet af SSI#COVID19dk
— Magnus Heunicke (@Heunicke) March 3, 2021
P1 er sama frábrigdi, sum hevur rakt milliónabýin Manaus í Amazonas skóginum serliga hart.
Eitt brasilskt koronafrábrigdi – óvist um talan er um tað sama – varð skrásett í Føroyum miðskeiðis í januar mánaði. Men viðkomandi náddi ongantíð at bera smittuna víðari her á landi.
Vinarliga broyt tínar kennifíla - og privatlívsstillingar fyri at síggja hetta innihald