Smyril liggur enn á Krambatanga

Á túrinum suður úr Havn seinnapartin, fekk Smyril trupulleikar  við bakborðsmotorunum. Hann lá nakað eystanfyri Froðbiarnípu í stóran hálvan tíma, áðrenn allir tríggir motararnir koyrdu aftur, og umleið klokkan 16.00 legði Smyril at á Krambatanga. 

Les meira: Smyril á veg inn maskinbrek

Hetta var ein tíma seinni, enn hvat ferðaætlanin segði, og klokkan 16.00 skuldi Smyril eftir ætlan fara norðeftir aftur. Men sambært Jóan Petur Abrahamsen, rakstrarleiðara hjá Strandfaraskip Landsins, var bíðustøða, har kannast skuldi júst hvat var hent.

Hetta arbeiði er sum skilst ikki liðugt enn, tí sambært vakttelefonini umborð á Smyrli liggur skipið enn, og nýggj støða verður tikin klokkan 18.