Smyril siglir ikki í morgun

Smyril loysti ikki av Krambatanga klokkan 6 í morgun. Orsøkin er brek á kølivatnsskipanini.

Arbeitt hevur verið við hesum síðan klokkkan 5 í morgun, og tað arbeiðið er um at vera liðugt. Nú skal tað roynast av og so koma vit við nýggjum boðum, segði Dánjal Samuelsen, stjóri í Strandferðsluni, við útvarpið fyri løtu síðan.

Nøkur hava fyri neyðini at sleppa norð sum skjótast. Eitt nú tey, sum skulu av landinum. Arbeitt verður við einari loysn, so hesi sleppa avstað.