Soloóhapp á Gøtueiði

Tað var heldur hált í nátt og tíðliga í morgun, og tað fekk ein bilførari, ið skuldi um Gøtueiði at merkja.

Talan varð um eitt soluóhapp í hálkuni næstan heilt uppi á Gøtueiði, har bilurin fór nakað av vegnum, upplýsir vakthavandi á løgreglustøðini í Tórshavn.

Persónurin fekk tó ongan skaða, og bilurin fekk heldur ikki nevniverdan skaða.

Annars var tað ógvuliga friðarligt hjá løgregluni í nátt og soleiðis er fyri tíðina - eitt slag av "koronutilstandi" verður sagt av støðini.