Søren Pape Poulsen deyður

Danski politikarin og formaðurin í Konservativa flokkinum er deyður. Tað upplýsir flokkurin á heimasíðuni, skrivar Danmarks Radio.

Søren Pape Poulsen fekk undir einum nevndarfundi fríggjadagin eina heilabløðing. Hann varð koyrdur á sjúkrahús í Odense, men hann stóð ikki til at bjarga.

Hann doyði leygardagin klokkan 13.13.

Søren Pape Poulsen gjørdist 52 ára gamal.

Hann gjørdist formaður í Konservativa flokkinum í 2014, tá hann avloysti Lars Barfoed. Áðrenn tað var Søren Pape Poulsen borgarstjóri í Viborg.