Sóttarhaldskravið fyri føroysk ferðandi til Noregs úr gildi

Dagligdagurin hjá føroyingum, sum arbeiða í Noreg, verður nú eitt sindur lættari.

Føroyar fara frá reyðum til gult land í Noreg. Hesum boða norsku myndugleikarnir frá í dag, skrivar heimasíðan e24.no.

Hetta er ein meting, sum verður gjørd einaferð um vikuna, og hetta er eisini galdandi fyri Ísland.

Tað merkir, at ferðandi úr Føroyum og Íslandi ikki skulu í sóttarhald, tá tey ferðast til Noregs.

Broytingarnar eru galdandi frá mánadegnum 8. februar.