Spæliplássið á Kráargøtu dagført

Klaksvíkar kommuna hevur síðan síðsta summar dagført flestu spæliplássini í Klaksvík. Nýliga varð nýggi sparkivøllurin við Mylnutún tikin í nýtslu, og nú er spæliplássið á Kráargøtu klárt til grannalagið í økinum.

Talan er um eitt økið á 484 fermetrar, sum kommunan vónar at øll vitjandi fáa gleði av, skrivar Klaksvíkar kommuna á heimasíðuna.

Økið er blivið sera snøgt og hugnaligt, og góðir parkeringsmøguleikar eru eisini raðfestir í samband við dagføringina.

(Mynd: Klaksvíkar kommuna)