Spakin settur í fyri randarhús á Høganesi

Hósdagin bleiv spakin settur í til seks serstøk randarhús, ið Byggivirkið KBH letur byggja, framvið Høganesvegi í Nes Kommunu.

Randarhúsini eru staðsett í náttúruvøkrum umhvørvi við sera góðum útsýni yvir Skálafjørðin.

Randarhúsini verða partur av spennandi framtíðar býlingi í økinum, har Nes Kommuna nýliga hevur longt Høganesveg og gjørt klárt til nýtt sethúsaøki. Í hesum nýggja umhvørvinum, fara nógvar ungar familjur at búleikast í nærmastu framtíð, skrivar kbh.fo á heimasíðuni.

Randarhúsini verða bygt í tveimum ymiskum sniðum í tveimum hæddum.

Hvørt randarhús ávikavist trý og fýra kømur umframt alrúm við køki og stovu.

Jørðarbeiðið verður væntandi liðugt áðrenn jól og gongd verður sett á at byggja fyrst í nýggja árinum.

(Mynd: Byggivirkið KBH)