Uttanlands

Spania rakt av herviligari kavaódn

Ódnin Filomena hevur kravt trý mannalív – Veðurfrøðingar vænta 20 centimetrar av kava og niður í tíggju kuldastig í nátt

(Mynd: EPA)

(Mynd: EPA)

2021-01-09 14:50 Author image
Alda Nielsdóttir
placeholder

Borgarar í spanska høvuðsstaðnum Madrid verða bidnir um at halda seg heima orsakað av ógvusligu kavaódnini Filomena, sum hevur herjað í Spania síðan fríggjadagin.

Tað er serliga høvuðsstaðarøkið, sum er hart rakt. Floghavnin er stongd, og hetta ávirkar í minsta lagi 50 innlendisfráferðir, og tok koyra í løtuni ikki til ella frá Madrid.

Fleiri túsund bilførarar hava eisini sitið fastir í kavanum, og neyðugt hevur tí verið at sett hermenn inn fyri at bjarga teimum

Spanskir myndugleikar boða í dag frá, at kavaódnin hevur kravt trý mannalív, skrivar TV2.

Roknað verður við 20 centrimetrum av kava í økinum næsta samdøgrið. Sambært lokalum miðlum  er hetta ein søgulig ódn, tí tað hevur ikki kavað so nógv í Madrid í 40 ár.

Sambært veðurforsøgnum, kann hitin í nátt fara heilt niður á tíggju kuldastig. Seinast tað var so kalt í Madrid var í 2001.

Sí myndir niðanfyri.

placeholder
placeholder