Mentan

Spennandi søgur úr Føroyum fortaldar til donsk børn

Danskur journalistur framleiðir podcastar har eitt nú Sjúrður Skaale og Pól Arni Holm fortelja spennandi søgur

Rikke Mia Skovdal hevur framleitt podcast'arnar við føroyskum søgum

Rikke Mia Skovdal hevur framleitt podcast'arnar við føroyskum søgum

2020-02-19 15:38 Author image
Ingi Samuelsen
placeholder

At hoyra Sjúrð Skaale, Jógvan Ósá, Pól Arna Holm og Súsanna Vígdá fortelja spennandi huldusøgur kann neyvan vera keðiligt.

Tað er nú eitt nýtt tilboð til børn og vaksin í Danmark, og harvið eisini í Føroyum.

’Færøske Fabler’ eitur ein røð av podcasts, sum danski journalisturin Rikke Mia Skovdal hevur framleitt.

Podcast’arnir kunnu keypast gjøgnum eina danska app, kallað Talk Town.

Talk Town skrivar í tíðindaskrivi í dag at søgurnar úr Føroyum snúgva seg m.a. um trøll, kellingar og kongssynir, og at talan er um søgur og sagnir, sum hava verið sagdar í Føroyum gjøgnum ættarlið.

Podcasturin er ætlaður donskum børnum millum 5 og 12 ár, onnur eru sjálvandi eisini vælkomin at lurta eisini.

- Nógv børn í Danmark kenna einki til hesar 18 oyggjarnar í Atlantshavi. Tað vilja vit fegin broyta. Við podcast’unum vóna vit, at hesin parturin av ríkisfelagsskapurin gerst meira nærverandi hjá hesum børnum, men vit vilja eisini deila søgurnar, ið hava verið fortaldar í fleiri ættarlið í Føroyum, sigur Mette Hovmand-Stilling, sum er redaktørur hjá Talk Town, sum er podcast pallurin hjá stóru miðlafyritøkuni Egmont Publishing.

Rikke Mia Skovdal, sum hevur framleitt podcast’arnar, býr í løtuni sjálv í Føroyum.

[object Object] 

placeholder
placeholder