Sp/f Gundurs Bussar skulu røkja busskoyringina í Tórshavnar kommunu í 2022

Tað verða bussarnir hjá Sp/f Gundurs Bussar, sum fara at røkja alla busskoyringina í Tórshavnar kommunu í 2022.

Hetta er greitt, eftir at ískoytissáttmáli í dag varð undirskrivaður við Sp/f Gundurs Bussar. Tað vóru Heðin Mortensen, borgarstjóri, og Heðin Zachariassen, nevndarformaður í Sp/f Gundurs Bussar, sum skrivaðu undir.

Sáttmálin byggir á verandi sáttmála um busskoyring í Tórshavnar kommunu og fevnir um tíðarskeiðið frá 1. januar 2022 til 1. januar 2023.

Sp/f Gundurs Bussar fara at reka alla bussleiðina í Tórshavnar kommunu fyri 28,2 milliónir krónur hetta tíðarskeiðið, skrivar torshavn.fo.