Innanlands

Spógvin verður sýndur á Gomlurætt um eina viku

Tað er í samband við, at skipið hjá Strandferðsluni skal seljast. Spógvin verður seldur fyri hægsta boð yvir 250.000 krónur

Spógvin í Hesti - Strandferðslan keypti skipið fyri trimum árum síðani (Mynd: Sverri Egholm)

Spógvin í Hesti - Strandferðslan keypti skipið fyri trimum árum síðani (Mynd: Sverri Egholm)

2021-03-18 20:02 Author image
Agnar Prestá
placeholder

Fyri trimum árum síðani keypti Strandferðslan bátin Alpha Pilot úr Klaksvík. Hann fekk navnið Spógvin og varð settur at sigla á Hestleiðini.

Spógvin hevur eisini siglt til Kolturs, og avloysti á summri 2019 á Nólsoyarleiðini eitt skifti.

Strandferðslan hevur sett skipið til sølu. Spógvin verður seldur fyri hægsta boð yvir kr. 250.000, skrivar ssl.fo. Øll boðini skulu sendast til Strandferðsluna og vera  inni í seinasta lagi fríggjadagin 27. mars á middegi.

Í sambandi við søluna verður Spógvin sýndur á Gomlurætt um eina viku, mikudagin 25. mars klokkan 17. Neyðugt er tó við tilmelding, skrivar ssl.fo

placeholder

Vinarliga broyt tínar kennifíla - og privatlívsstillingar fyri at síggja hetta innihald

placeholder