Spreinging í bussi í Stockholm

Fyrrapartin í dag var ein spreinging í einum bussi í miðbýnum í Stockholm.

Talan er um ein buss, sum brúkar gass, og sambært lokala sløkkiliðnum, er helst talan um eitt óhapp.

Bussurin rendi á eitt skelti beint við einari tunnel, og hetta er helst orsøkin til, at eldur kom í bussin, skrivar DR.

Sambært lokalu løgregluni vóru eingi ferðafólk í bussinum, og førarin slapp úr bussinum og varð koyrdur á sjúkrahúsið, men enn er ógreitt, hvussu hann hevur tað. 

Løgreglan sær hetta sum eitt ferðsluóhapp, og eingin illgruni er um, at nakar stendur aftanfyri hesum.