Spyr um útgjald úr barsilsskipanini

Tá spurningurin um barsilgjaldið er til umrøðu, verður sjóneykan oftast sett á, at útgjaldið er ov lágt og eigur at verða hækkað, men vit hoyra sjáldan um tey, ið av ymsum orsøkum fáa lítið og einki útgjald úr barsilsskipanini.

Tað sigur Henrik Old, tingmaður fyri Javnaðarflokkin, sum hevur sett Ingilín D. Strøm, landsstýriskvinnu fyrispurning um málið.

Henrik Old vil hava at vita frá landsstýriskvinnuni, hvussu nógvir persónar hava fingið útgjald frá barsilsskipanini, sum er minni enn ávikavist 12.000 og 15.000 krónur um mánaðin seinastu árini.