ST: Nærum átta milliónir fólk rýmd úr Ukraina

Kríggið í Ukraina, sum byrjaði í februar í fjør, hevur elvt til størsta flóttafólkastreymin síðan seinna heimsbardaga, og talið á fólki, sum rýma úr Ukraina, er framvegis vaksandi.

Sambært nýggjari uppgerð hjá ST, sum DR endurgevur, eru fleiri enn 7,9 milliónir fólk rýmd úr Ukraina, og 5,9 milliónir eru rýmd úr heimi teirra til onnur støð í landinum.

Tilsamans er sostatt talan um nærum 14 milliónir flóttafólk, og tað svarar til, at umleið triði hvør ukraini er rýmdur úr heimi sínum orsakað av krígnum.

Fyri einum ári síðani búði góðar 41 milliónir fólk í Ukraina, um Krim-hálvoyggin, sum Russland hevur hersett, ikki verður tald við.