Alda Nielsdóttir
ST-limalondini hava góðkent eitt nýtt heimskort, sum betrar um "neyvleikan av kortsligu avmyndanini av heiminum".
164 ST-lond atkvøddu fyri, meðan USA atkvøddi ímóti, og seks lond - Estland, Georgia, Litava, Moldova, Serbia og Ukraina - atkvøddu ikki, skriva altjóða miðlar.
Við ST-samtyktini verður heitt á limalond um at brúka eitt nýtt heimskort í staðin fyri siðbundna Mercator-heimskortið frá 1569.
Munurin á hesum báðum kortunum er m.a., at Afrika er størri á nýggja kortinum, meðan Norðuramerika og Evropa eru minni.
Á gamla kortinum eru økini við miðkringin munandi minni, enn tey eru í veruleikanum, meðan tey, sum eru langt frá eru størri, enn tey veruliga eru.
Á Mercator-kortinum síggja Grønland og Afrika eitt nú út til at vera eins í stødd, hóast Afrika í veruleikanum er 14 ferðir størri enn Grønland.
Vinarliga broyt tínar kennifíla - og privatlívsstillingar fyri at síggja hetta innihald