Stakk við knívi: Bretska løgeglan skotið mann

Bretska løgreglan hevur í dag skotið ein mann í syðra parti av London, skrivar Metropolitian Police á Twitter seinnapartin.

Maðurin, sum var skotin og síðani doyði, hevði eftir øllum at døma stungið fleiri persónar við knívi.

Sambært løgregluni vóru tvey fólk særd, og støðan hjá teimum er ikki greið í løtuni. Hendingin fór fram uttan fyri ein mathandil í Streatham. Nógv løgregla og bjargingarfólk eru á staðnum.

Hendingin verður sæð sum terror, sigur løgreglan.