Stanley í Hoyvíkar kirkju 11. árið á rað

Sunnudagin 22. november verður konsert við Stanley Samuelsen í Hoyvíkar kirkju.

At Stanley Samuelsen, sum hevur havt eina langa yrkisleið sum tónleikari, hevur konsert í Hoyvíkar kirkju er vorðin ein fastur siður. Í ár er 11. árið á rað, at hann hevur konsert í kirkjuni.

Konsertin, sum er ókeypis, verður sunnudagin klokkan 16. Tilmælini verða hildin, og tí sleppa í mesta lagi 300 fólk á konsertina.