Alda Nielsdóttir
Tíðliga mikumorgunin fara uml. 20.000 starvsfólk hjá týska flogfelagnum Lufthansa í verkfall.
Verkfallið varar eftir ætlan frá klokkan 2.45 mikumorgunin til hósmorgunin klokkan fimm okkara tíð, upplýsir fakfelagið ver.di sambært Ritzau.
Talan er ikki um starvsfólk, sum starvast umborð á flogførunum hjá felagnum.
Ver.di krevur vegna starvsfólkini hjá Lufthansa eina lønarhækkan á 9,5 prosent.
Semingafólk hjá starvsfólkunum vísir á størri arbeiðsbyrðu, høga inflatión og eina lønarlækking undir koronu, og tí er ein lønarhækking á nærum tíggju prosent rímilig.
Lufthansa heldur, at verkfallið er órímiligt. Flogfelagið hevur longu avbjóðingar orsakað av m.a. avleiðingunum av koronakreppuni, høgari skuld og einari óvissari framtíð fyri altjóða búskapin.
Partarnir fara aftur til samráðingarborðið 3. og 4. august.
Vinarliga broyt tínar kennifíla - og privatlívsstillingar fyri at síggja hetta innihald