Mentan

Steinbjørn og Eyðun Jacobsen hava givið fløgu út

Fløgan hjá brøðrunum hevur fingið heiti "Gud, eg eri tín". Tónleikurin er spældur inn í USA - systir Steinbjørn og Eyðun Jacobsen luttekur eisini í einum sangi

2020-12-23 09:22

Agnar Prestá

Steinbjørn Jacobsen er mest kendur úr politikki. Hann hevur nú saman beiggja sínum, Eyðuni Jacobsen, givið fløgu út. Eyðun er royndur sangari og hevur áður verið við á fleiri útgávum.

Fløgan, sum hevur fingið heiti Gud, eg eri tín, inniheldur 14 sangir. Teir flestu verða vanliga sungnir í ymiskum samkomum, og stílurin er fólksligur, traditionellur og hellur til country og southern gospel, verður boðað frá.

Ásbjørg Olsen, ið er systur Steinbjørn og Eyðun Jacobsen, er eisini at hoyra í sanginum "Vend títt eyga á Jesus".

Tónleikurin er innspældur í USA - í Crossroads Studio, sum liggur í Arden í statinum North Carolina. Tað er Jeff Collins, ið hevur staðið fyri tí.

Røddirnar eru innsungnar í upptøkuhølunum hjá Erik Biskopstø í Klaksvík.

Vinarliga broyt tínar kennifíla - og privatlívsstillingar fyri at síggja hetta innihald