Stella Polaris 2025 verður síðst í mars

Í døgunum 27.-29. mars 2025 verður Hátún í Tórshavnar Musikkskúla karmur um tónleikakapping fyri ungar evnaríkar tónleikarar, sum fara at framføra tónleikaverk fyri bæði áhoyrarum og einum dómarabólki við 5 fólkum.

Stella Polaris hevur sum mál at styrkja og menna skapanargleðina hjá ungu tónleikarunum og vísa fjølbroytni í klassiska tónleikinum. Fyrsta kappingin var hildin í 2014 . Tey, sum hava vunnið gjøgnum árini, eru:

2014 – Mattias Kapnas (klaver)
2015 – Alvi Joensen (gittar)
2017 – Dávur Birgisson (gittar)
2019 – Ernst Dánjalsson Remmel (trompet)
2021 – Aksel Dánjalsson Remmel (klaver)
2023 – Andrias Blaasvær (violin)

Stella Polaris hevur til endamáls at stuðlað og heiðrað okkara evnaríku tónleikarum, sum eru komnir langt á tónleikaleiðini. 

Fleiri av luttakarunum gjøgnum árini, teljast nú millum fremstu ungu tónleikeikarar í Norðurlondum.

Kappast verður í 4 ymiskum aldursbólkum: 0 til og við 11 ár, 12 til og við 15 ár, 16 til og við 19 ár, umframt 20 til og við 24 ár.