Steypakappingarnar í amboð um vikuskiftið

Steypakappingarnar í amboðsfimleiki vera í Bylgjuni í Runavík um vikuskiftið. 

Kappast verður bæði leygardagin 12. mars og sunnudagin 13. mars.

61 børn og ung eru meldaði til steypakappingarnar, 32 dreingir / menn og 29 gentur / kvinnur. Hesi eru frá HF, Støkk, Ljósinum og FLOG.

(Mynd: Fimleikasamband Føroya)

Skráin leygardagin:

Kl. 10 byrjar kappingin fyri kvinnuunglingar, kvinnur, mansunglingar og menn. Hesi kappast í øllum amboðum.

Kl. 13.30 byrjar kappingin fyri stig 4, 5, 6 og 7 og piltar, smádreingir og dreingir.

Amboðini, sum yngru liðini kappast í leygardagin á kvinnusíðuni eru lop og forskotin barr, og á mannfólkasíðini gólv, ringar og beinsveiggj.

Skráin sunnudagin:

Kl. 13.30 byrjar kappingin fyri stig 4, 5, 6 og 7 og piltar, smádreingir og dreingir.

Amboðini sum kappast vera í sunnudagin eru á kvinnusíðuni biti og gólv, og á mannfólkasíðuni lop, paralell barr og reck.

Atgongumerkjasølan byrjar hálvan tíma áðrenn kappingarnar byrja.

Fylgjast kann við úrslitinum á heimasíðuni hjá Fimleikasambandinum.