Stjóraskifti á Føroya fólkaháskúla

Mánadagin 30. september 2019 var stjóraskifti á Føroya fólkaháskúla. Ein lítil samkoma var fyri at siga farvæl við fráfarandi stjóran, Annfinn Heinesen, og fyri at heilsa upp á nýggja stjóran, Hedvig Westerlund Kapnas. 

Jenis av Rana, landsstýrismaður í uttanríkis- og mentamálum, var til staðar og hann segði, at háskúlin hevur stóran týdning fyri tey ungu, sum hava gingið har.  

Annfinn hevur seinastu fimm árini ment háskúlan, og hann fekk nógv av skafti hesi árini Við almennum stuðli er komið væl áleiðis við at umvæla skúlan, og áhugin fyri søguliga og fólkakæra háskúlanum er enn stórur.  

Hedvig er spent at taka við nýggju avbjóðingini sum háskúlastjóri og vónar, at hennara íkast fer at síggjast aftur í góðu menningini.