Stoltenberg: Nato-lond nýtast ikki at stúra

Tað var 24. februar í fjør, at Russland gjørdi innrás í Ukraina, og framvegis sæst eingin endi á krígnum. Nato-lond nýtast tó ikki at stúra fyri at verða álopin av Russlandi, sigur Jens Stoltenberg, aðalskrivari hjá Nato.

– Russland hevur í løtuni meginpartin av sínum hernaðarlig kapasiteti í Ukraina, og síggja vit ikki beinleiðis nakran vanda fyri einum álopi móti einum Nato-landi, sigur hann sambært DR.

Tó vísir Stoltenberg á, at Nato-lond framvegis kunnu vera í vanda fyri at verða rakt av øðrum álopum.

Har er ein ávísur vandi fyri eitt nú cyberálopum, sabotasju og átøkum við falskari kunning, sigur hann.