Ingi Samuelsen
Danska løgreglan hevur fyrrapartin fram eina umfatandi atgerð til tess at forða fyri yvirgangi í Danmark.
Tað upplýsir løgreglan í Keypmannahavn í tíðindaskrivi.
Her verður upplýst, at løgreglan hevur illgruna um, at fyrireikingar hava verið um at fremja eina yvirgangsatsókn. Annars fer løgreglan ikki út í smálutir við málinum.
Fleiri fólk eru handtikin í málinum.
Stiften.dk veit at siga, at eisini løgreglan í Aarhus hevur verið við í atgerðini, og hevur framt eitt átak í Gellerupparken í Aarhus-forstaðnum, Brabrand.
Tíðindaskrivið sigur einans, at “fleiri løgregludømi” hava verið við í atgerðini. Heldur ikki verður nakað sagt um, hvussu nógv fólk eru handtikin.
Løgreglan og fregnartænastan fer seinnapartin at kunna miðlarnar um málið, verður sagt.
Vinarliga broyt tínar kennifíla - og privatlívsstillingar fyri at síggja hetta innihald