Stór sangløta við Stranda sangkóri mikukvøldið

Mikukvøldið 3. apríl klokkan 19.30 verður stórt sangtiltak við Stranda sangkóri í bygdarhúsinum á Strondum.

Hetta skrivar Sjóvar kommuna á heimasíðu sínari skírisdag.

Sangur fer sjálvandi at fylgja nógv á Strondum mikudagin, men annað verður eisini á skránni. 

- Á kvøldinum verður dentur lagdur á nógvan og góðan felagssang, umframt at staðbundin fólk fortelja skemtisøgur. Eisini framførir Stranda sangkór hugtakandi og góðar sangir, sum tey hava vant í vetur. 

Møguleiki verður eisini at fáa millum annað lagkøku og kaffi til tiltakið, sum er ókeypis.

Heimasíðan sjovar.fo skrivar, at løtan verður í stóra sali, so tørvur er á stórari fjøld fyri á fáa felagssangin á flog.