Stórbýur letur aftur eftir fyrstu koronatilburðir í meira enn 100 dagar

Eftir meira enn 100 dagar uttan ein skrásettan tilburð av lokalt bornari smittu hevur Nýsæland nú skrásett fýra tilburðir í Auckland. Tað boðar forsætisráðkvinnan Jacinda Ardern frá týsdagin, sambært The Guardian.

Forsætisráðkvinnan hevur tí valt, at geva boð um at lata stórbýin aftur frá mikudegnum av.

Afturlatingin vil í fyrsta umfari galda í tríggjar dagar, ímeðan myndugleikarnir fara at smittuspora nýggju tilburðirnar.

Afturlatingin ber við sær, at allir skúlar og dagstovnar verða stongdir.

Tey fýra smittaðu eru øll í familju við hvønn annan, boðar Jacinda Ardern frá. Tey hava eftir øllum at døma einki tilknýti til tær miðstøðir, har ferðandi vera sett í sóttarhald, eftir at tey eru vend heim.  

Heimsheilsustovnurin WHO hevur víst á Nýsæland sum eitt dømi, fyri effektiva strategi móti koronakreppuni.

Nýsæland, ið hevur 22 milliónir íbúgvar hevur bert skrásett 22 andlát við covid-19. 1.570 tilburðir eru skrásettir í landinum sambært tølunum frá Johns Hopkins University.

Tilburðirnir týsdagin vóru teir fyrstu tilburðirnir, ið vóru bornir lokalt síðan 1. mai. Tí hava avmarkingar ikki verið galdandi í Nýsælandi í fleiri mánaðir.