Stórfavoritturin vann Eurovision

Í kvøld fór stórfavoritturin, Duncan Laurence úr Hollandi, av stað við sigrinum í ársins Eurovision sangkapping í Tel Aviv. Sangurin "Arcade" fekk heili 492 stig.

Hetta er 5. ferð at Holland vinnur í hesari kappingini og fyrstu ferð síðan 1975.

Eisini vann Holland í 1957, 1959 og 1969.

Til ber at lurta eftir vinnarasanginum omanfyri.

Norðurlondini endaðu í top 13

Tey norðurlondini, sum megnaðu at vinna sær pláss í finaluni, endaðu í ovaru helvtini av stigartalvuni.

Noreg endaði á 5. plássinunum við 338 stigum, og Svøríki var beint í hølunum á teimum á 6. plássinum við 332 stigum. Ísland endaði á einum 10. plássi við 234 stigum, og Danmark endaði á einum 12. plássi við 120 stigum.

Bretland endaði aftast við 16 stigum.