Stórir trupulleikar við drekkivatni í Sunda kommuna

Fríggjadagin boðaði Sunda kommuna frá, at bakteriur vóru staðfestar í drekkivatninum á við Norðskála, Oyrarbakki, Oyri og Nesvík.

Vikuskifti er farið afturum, men støðan er hin sama. Tað skrivar kommunan á Facebook-síðu sínari fyrrapartin: 

- Tað eru enn staðfestar bakteriur í vatninum. Vit arbeiða við at loysa trupulleikan.

Nú eru trupulleikar við drekkivatninum í Saksun.

- Av tí at bakteriur eru staðfestar í drekkivatninum í Saksun, verða fólk biðin um at kóka vatnið til lýst verður aftur.