Størsta kanningararbeiði nakrantíð í Ný Sælandi

Løgreglan í ný Sælandi hevur sett fleiri enn 250 løgreglufólk og serfrøðingar at kanna yvirgangsálopið, sum fór fram í Christchurch fríggjadagin. Hetta er størsta kanningararbeiðið nakrantíð í Ný Sælandi.

Tað var fríggjadagin at eitt yvirgangsálop fór fram móti eini mosku í Christchurch í Ný Sælandi. Ein 28 ára gamal maður, Brendon Tarrant, verður skuldsettur fyri at hava framt yvirgangsálopið.

Sakin er nú ein altjóða kanning við stuðli frá amerikonsku fregnartænastuni FBI og avstralsku samgonguløgregluni, skrivar løgreglan í Ný Sælandi á Twitter.