Tíðindaskriv
Komandi vikuskifti verður víkingatiltakið Festívalhöll í høvuðsstaðnum.
Í Viðarlundini verður ein serstakur víkingamarknaður við luttakandi víkingum úr Føroyum, Danmark og Íslandi. Á marknaðinum verður høvi at síggja aldargamalt hondverk av ymiskum slag, víkingabardagar og eisini er livandi tónleikur á skránni.
Marknaðurin er opin frá fríggjadag til sunnudag og nærmari upplatingartíðir finnast á heimasíðuni festivalholl.fo.
Afturat víkingamarknaðinum verður eisini ein stór konsert í Sjónleikarhúsinum leygardagin 10. juli kl. 19 við føroysku bólkunum Hamradun og Jü rghinn og donsku vísusongkvinnunum Frænde og Smedens Datter.
Atgongumerki til konsertina og víkingamarknaðin í viðarlundini kunnu keypast á heimasíðuni.
Festívalhöll fyriskipar, og alt yvirskot fer til Stuðulsfelagið Víkingabygdina, sum hevur til endamáls at byggja fyrstu føroysku víkingabygdina her á landi.
Vinarliga broyt tínar kennifíla - og privatlívsstillingar fyri at síggja hetta innihald