Stórur dagur á Argjum

Klokkan 14 verður hátíðarløta á stykkinum við Støðlagøtu og Sandá, har sum nýggj kirkja skal byggjast.

Staðsetingin hevur verið umstrídd, men nú verður gongd so sett á byggingina av Argja kirkju.

Røður verða hildnar og kvinnubólkurin Tabitha syngur.

Tey, ið loysa flagið, eru Rigmor Andrassen, Henning Mortensen og Vilhelmina Johansen. Hesi teljast millum elstu fólk á Argjum, og tey hava øll sitið í kirkjuráðnum. Eftir tað, halda Jógvan Fríðriksson, biskupur, og Annfinn Brekkstein, býráðslimur, røðu. 

Aftaná verður boðið til kaffi og køku í Argja kirkju.