Stórur vatnleki við Villingadalsvegin

Nógv fólk í høvuðsstaðnum hava seinnapartin mist vatnið. Orsøkin er, at ein stórur leki er á Villingardalsvegnum nærhendis Blákollugøtu.

Tað ávirkar frá ringvegnum og heilt niðan til brunnarnar, skrivar Tórshavnar kommuna á heimasíðu sínari, har tað samstundis verður boðað frá, at arbeitt verður í løtuni við at tetta lekan.

Vónandi verður arbeiðið liðugt út á kvøldið.

Kort yvir økið (Mynd: Tórshavnar kommuna)