Strandfarasiglingin darvað av høgari aldu í dag

Høg alda eftir illveðrið og nógva vindin í nátt darvar siglingina hjá Strandferðsluni í dag.

Flestu farleiðir sjóveðis vóru avlýstar í morgun, og nú boðar Strandferðslan frá, at Smyril bert ger ein túr millum Krambatanga og Tórshavn í dag. Smyril fer av Krambatanga klokkan 13 og av Havnini klokkan 17.

Ongin sigling er út til Svínoyar og Fugloyar í dag.

Nólsoyarsiglingin verður tikin uppaftur nú á middegi, og Ternan ger fyrsta túrin av havnini klokkan 12.30. Um viðrar verður siglt sambært ferðaætlanini tað, ið eftir er av degnum í dag, skrivar Strandferðslan á heimasíðuni.