Streymurin farin í stórum parti av landinum

Fyri løtu síðani fór streymurin í meginøkinum. Meginøkið, sum tað eitur hjá SEV, er alt uttan Suðuroyggin og útoyggjar.

SEV sigur, at streymslit er í pørtum av økinum, og at arbeitt verður við at rætta brekið sum skjótast.

Tað gongur væntandi ein hálvur tími áðrenn brekið er rættað, og øll hava streymin aftur.

Dagføring: Stutt eftir klokkan hálvgum 12 boðaði SEV frá, at Streymurin er aftur í meginøkinum. Feilurin var á linjuni millum Vestmanna og Sundsverkið.