Aftur í dag eru nógv sum verða kannað fyri koronu. Thetis, sum tekur sær av potingunum fyri Sjúkrahúsverkið á Eystarubryggju sigur, at tað í kvøld verða potað 1400 fólk.
Í dag eru longu 900 potingar gjørdar hjá Thetis á Hoyvíksvegnum, og á Eystarubryggju verða altso 1400 potingar gjørdar í kvøld.
Í gjár vóru 1700 fólk kannað hjá Thetis á Hoyvíksvegnum, og 1100 fólk á Eystarbryggju.
Umframt potingarnar hjá Thetis og á Eystarubryggju, ger Sjúkrahúsverkið koronukanningar í Klaksvík, Suðuroynni og á Sandoynni.
Tað eru í løtuni 25 fólk, sum eru staðfest positiv við koronu. 16 tilburðir vórðu staðfestir fyrradagin, men bara tveir í gjár. 410 fólk eru í sóttarhaldi, siga tølini hjá myndugleikunum.
Vinarliga broyt tínar kennifíla - og privatlívsstillingar fyri at síggja hetta innihald