Stýrið fyri Roðan hevur skipað seg

Á fundi hósdag seinnapart varð nývalda stýrið fyri Roðan skipað.

Roðin er økistænastan við Skálafjørðin, ið hevur ábyrgdina av heimatænastu, eldrarøkt v.m. Eitt samtak millum Sjóvar, Nes- og Runavíkar kommunu.

Umframt annað rekur samtakið virksemi á Vesturskini á Toftum, Sjóvarlon á Strondum, Dagtilhaldinum á Skála og Røktar- og Ellisheiminum í Runavík. Harumframt eigur Roðin bygningin, har sum barnaverndin hjá somu kommunum heldur til, - í húsunum sum fyrr var Vistarheimið á Mýrunum.

Stýrið, ið er valt at sita fyri Roðanum komandi fýra árini er:

• Hans Anders Jacobsen, Sjóvar kommuna.
• Artur Johansen, Sjóvar kommuna.
• Elin á Torkilsheyggi, Nes kommuna.
• Súni í Hjøllum, Nes kommuna.
• Sæunn Ólavsdóttir Hansen, Runavíkar kommuna.
• Elin Klein Joensen, Runavíkar kommuna.
• Kaja Joensen, Runavíkar kommuna.
• Jonnhild Reynholdsdóttir, Runavíkar kommuna.
• Tórbjørn Jacobsen, Runavíkar kommuna.

Stýrið skipaði seg við Tórbirni Jacobsen sum formanni og Arturi Johansen sum næstformanni. Dagligur leiðari er Jóngerð Guttesen.