Suðurkorea: Fyrrverandi verjumálaráðharrin handtikin

Fyrrverandi suðurkoreanski verjumálaráðharrin, Kim Yong-hyun varð í dag handtikin orsakað av leikluti hansara í undantaksstøðuni týsdagin.

Tað var Yoon Suk-yeol, sum lýsti hernaðarliga undaktaksstøðu í landinum týsdagin. Undantaksstøðan varð tó sett úr gildi aftur nakrar tímar seinni, eftir at tað eydnaðist 190 tjóðartingslimum við atkvøðugreiðslu at steðga undantaksstøðuni.

Kim Yong-hyun legði frá sær sum verjumálaráðharri hósdagin. 

Les eisini: Verjumálaráðharrin í Suðurkorea leggur frá sær

Sambært The Guardian skal hann hava heitt á forsetan um at lýsa undantaksstøðu. Hann er nú skuldsettur fyri svik, og hevur hann fingið forboð ímóti at ferðast úr landinum.

Les eisini: Suðurkorea: Forsetin sleppur undan ríkisrættarmáli