Suðurkorea í búskaparligari afturgongd fyri fyrstu ferð í 17 ár

Suðurkoreanski búskapurin er í afturgongd fyri fyrstu ferð síðan 2003.

Koronakreppan hevur rakt útflutningin í landinum hart, meðan virkir stríðast við krøvum um avstand millum starvsfólkini, hetta skriva Reuters sambært TV2.

Harvið legst Suðurkorea afturat londum sum Japan, Tailand og Singapore, sum øll eru í búskaparligari afturgongd.

Eitt land verður allýst at vera í búskaparligari afturgongd um bruttotjóðarúrtøkan lækkar tveir ársfjórðingar á rað.

Sambært Bank of Korea lækkaði bruttotjóðarúrtøkan í Suðurkorea við 3,3 prosentum í øðrum ársfjórðingi samanborið við fyrsta.