Suðurkorea skeyt ávaringarskot móti russiskum bumbuflogfari

Suðurkoreansk hernaðarflogfør skutu í dag ávaringarskot móti einum russiskum bumbuflogfari, sum var komið inn í suðurkoreanskt luftrúm.

Suðurkoreanski verjumálaráðharrin váttar fyri lokala tíðindastovuni Yonhap at ávaringarsskot vóru skotin.

Russiska bumbuflogfarið fleyg tvær ferðir inn í suðurkoreanskt luftrúm yvir japanska havinum við Dokdo oyggjarnar, sum liggja áleið hálva leið millum Suðurkorea og Japan.