Suðurstreymoyar vestara prestagjald søkir eftir vikari

Fólkakirkjan søkir eftir vikari til Suðuroyarstreymoyar vestara prestagjaldi. Talan er um tíðaravmarkað starv frá 15. apríl til 15. juli 2021, men starvstíðin kann møguliga verða longd nakrar mánaðir.

Í prestagjaldinum eru fýra kirkjusóknir. Vesturkirkjan, Argja kirkja, Kirkjubøar kirkja og kirkjan í Hesti.

Afturat kirkjunum eru onnur tænastustøð, so sum stovnar, ellis- og røktarheim og sambýli.

Umsøkjarar skulu hava lokið prógv í gudfrøði og lúka krøvini, ið lóggávan annars setir fyri at gerast prestur í fólkakirkjuni í Føroyum.