Súkklutiltak ávirkar ferðsluna í Havn sunnudagin

Hesa vikuna er Huldulitt á skránni í Havn, og í hesum sambandi verður skipað fyri súkklutiltaki sunnudag seinnapart.

Talan er um eina súkklurekkjukoyring, sum byrjar í parkeringskjallaranum í SMS klokkan 16. Súkklað verður oman í miðbýin, niðan aftur, kring SMS og inn aftur í parkeringskjallaran, har lutakast verður um vinningar millum øll luttakandi, skriva fyriskiparar um tiltakið.

Hetta hevur við sær, at fleiri vegir í miðbýnum í Havn verða stongdir í morgin frá klokkan 16.30 til 17.30, boðar Tórshavnar kommuna frá.

Talan er um hesar vegir:

• Oman Pisuvarða
  
• Undir Pisuvarða
  
• Hoydalsvegur niðan til Oman Pisuvarða
  
• Niels Finsens gøta frá Hoydalsvegnum oman til Vaglið
  
• Sverrisgøta frá Niels Finsens gøtu
  
• Tórsgøta frá Sverrisgøtu til Vágsbotn
  
• Mylnugøta