Mentan

Súkklutúnið í Steinatúni latið upp

Í juni samtykti Tórshavnar kommuna, at gamla kioskin í Steinatúni skuldi gerast til alment súkklutún, og nú er tað latið upp

Mynd: Tórshavnar kommuna

Mynd: Tórshavnar kommuna

2020-09-18 22:06 Author image
Alda Nielsdóttir
placeholder

Gamla kioskin í Steinatúni er nú súkklutún. Hølini eru dagførd, og súkklandi eru vælkomin at parkera súkkluna í lívd fyri veðri og vindi, skrivar Tórshavnar kommuna.

Uttanfyri er ein tænastustøð til súkklur. Har súkklur kunnu fáa luft í dekkini, og til ber at gera smáar ábøtur á súkkluna við amboðum, sum eru á støðini.

Hølið í Steinatúni kann framvegis nýtast sum bíðirúm hjá teimum, sum nýta bussarnar, og vesini eru enn opin fyri almenninginum.

[object Object]

Átakið at gera almenna súkkluparkering í Steinatúni er partur av Súkkluárinum 2020, sum kommunan setti á rull við ársbyrjan. Súkkluárið fevnir um fleiri átøk, sum hava til endamáls at betra um umstøðurnar fyri ferðandi á súkklu í Havn umframt at varpa ljós á grøna ferðslu.

placeholder
placeholder