Summarskái í Vágsbotni ávirkar ferðsluna um vikuskiftið

Í dag og í morgin verður tiltakið Summarskái aftur á skrá í Vágsbotni í Havn, og í hesum sambandi verða fleiri vegir stongdir hesar dagarnar, meðan ymisk tiltøk eru, boðar Tórshavnar kommuna frá.

Í dag er matmarknaður á skránni, og í morgin verður filmssýning og tónleikur.

Meðan matmarknaðurin er frá klokkan 13 til 17, eru hesir vegir stongdir:

• Tórsgøta frá Sverrisgøtu
  
• Mylnugøtu
  
• Bryggjubakki til Bringsnagøtu
  
• Undir Bryggjubakka
  
• Vágsbotn til Bøgøtu

Sunnudagin klokkan 15 til 18 eru hesir vegir stongdir:

• Mylnugøta
  
• Bryggjubakki til Bringsnagøtu
  
• Einvegis frá Tórsgøtu eftir Vágsbotn út á Skálatrøð